Dönsku blindrasamtökin - Windows Vista og Office 2007

Dansk Blindsamfund hefur formlega tilkynnt sjónstöðvum í Danmörku að þeir hvetji þær til að fresta uppsetningu á Windows Vista og Office 2007 á nýjum tölvum sem úthlutað er til skjólstæðinga. En í Danmörku er fyrirkomulagið þannig að skjólstæðingar sjónstöðva fá úthlutuðum tölvum með hugbúnaði en ekki bara hugbúnaðinum sjálfum. En þá er átt við skjálesara og/eða skjástækkunarbúnaði. Samtökin lýsa yfir áhyggjum sínum á þeim villum sem hafa skotið upp kollinum í Windows Vista sem og einnig því breytta notendaviðmóti sem er á Office 2007 pakkanum.

Windows Vista verður staðfært yfir á dönsku á næsta ári, líklega á öðrum ársfjórðungi. Danir ætla að nota þann tíma til að gera alla kennara klára þannig að þeir séu vel undirbúnir breytta viðmótinu og séu vel að sér í notkun á nýja hugbúnaðinum frá Microsoft. Mér leikur forvitini á að vita hvenær Windows Vista og Office 2007 verður í boði á íslensku ?

Athugasemdir

[Magnús Geir Guðmundsson, 31.10.2007 kl. 00:23]

Blessaður!

Lognaðist þetta ekki bara útaf eftir að stýrikerfið var einu sinni íslenskað? (man nú ekkert hvaða útgáfa það var, 2000 kannski?)

Þekki ekki nokkurn mann sem er með íslenskuna á sinni vél!

Geri því ekki ráð fyrir að þessi þýðing verði nokkurn tíma gerð!

[Sjónstöð Íslands, 31.10.2007 kl. 05:47]

Nei, þetta lognaðist alls ekki út af. Það eru talsvert margir sem vilja hafa íslenskt viðmót á sínum XP vélum, talsvert margir sem ég þekki persónulega líka.